Kommunedelplan for kulturarven i Eid.Kulturarven i EidKommunedelplan for kulturarven i Selje.Kulturarven i Selje

Vi har ein rik kulturarv i Stad kommune, og kvar bygd har sine spesielle kulturminne som er omtala i dei to kulturarvplanane. På sikt vil desse bli samla i eit plandokument for Stad kommune.

Kulturarvplanane kan du få på biblioteket i Operahuset, på biblioteket i Selje og i informasjonen i Stad rådhus.

Utvalde kulturminne i Stad:

Kulturminna, kulturmiljøa og kulturlandskapa vitnar om historia vår.  Kunnskap om kulturarven er viktig for at lokale aktørar skal kunne ta ut potensialet og nytte denne som ein ressurs i samfunnsutviklinga.

Dei utvalde kulturminna i Eid er desse:

• Veganlegget gjennom Hogaåsen og vidare.
• Gravhaugane Rundehogjen og Skjoratippen på Myklebust.
• Bautasteinane på Naustdal.
• Kyrkjestadane Eid og Stårheim.
• Steingardar som eit typisk kulturminne.
• Gardane på Åsane: Spesielle kulturmiljø og kulturlandskap.
• Setrane i kommunen.
• Fjordhesten: Rasen har eit vern av status som urhest og er av nasjonal verdi. www.norsk-fjordhestsenter.no
• Båtstøene og naustmiljøa, som td. Årdalsvika.
• Kulturlandskap, som td. Orheimsvika.
• Den gamle postvegen over Brekka.
• Kraftverket ved Kviafossen i Eidselva.
• Kulturmiljøet ved Yris hotell.
• Holmøy Arbeidsskule med tilhøyrande kulturmiljø.
• Eidsgata/Tverrgata og Myklebustgardane.
• Eksersisplassen med tilhøyrande anlegg som skytebana på Vårsetra.
• Lag- og organisasjonslivet: Ei rik historie som ikkje fullt ut er registrert.